தனி வலைத்தளத்தில் சிறுகதை போட்டிக்கான கதைகள்

ஆமாம். பதிவர்களாகிய நமக்காக, நாமே நடத்தும் சிறுகதை போட்டியில் பங்குபெறும் அனைத்து சிறுகதைகளும் தனி வலைத்தளத்தில் தொகுக்கப்படுகின்றன. எனவே அனைத்து பதிவர்களும் இனி போட்டியில் கலந்து கொள்ளும் அனைத்து சிறுகதைகளையும் ஒரே வலைத்தளத்தில் வாசிக்கலாம் :-)

பதிவர்கள் தங்கள் வலைத்தளத்தில் போட்டிக்கு அனுப்பும் சிறுகதையை பிரசுரித்துவிட்டு, மெயிலில் எங்களிடம் அதற்கான லிங்கை அனுப்புவதுடன், கீழே கொடுக்கப்பட்டுள்ள முகவரியில் தங்கள் இடுகைகளை சேர்க்க வேண்டுமாய் கேட்டுக் கொள்கிறோம்.

http://tamil.blogkut.com/contest-uraiyadal.php

சிறுகதை போட்டியை நாம் அறிவித்தவுடன், தாமாகவே வந்து இப்படியொரு உதவியை செய்திருக்கும் "சங்கமம்" திரட்டிக்கு நன்றிகள்.
இதற்கான முயற்சியை மேற்கொண்ட பாலபாரதிக்கும், நல்லமுறையில் இந்த வலைத்தளத்தை தன் வேலை நெருக்கடிக்கு மத்தியிலும் வடிவமைத்து தந்திருக்கும் இளாவுக்கும் என்றும் அன்பு.

போட்டிக்கான முதல் சிறுகதையை நிலாரசிகனும் http://www.nilaraseeganonline.com/2009/05/blog-post_4321.html, இரண்டாவது சிறுகதையை ரத்னபீட்டர்ஸும் http://rathnapeters.blogspot.com/2009/05/blog-post_22.html அனுப்பியிருக்கிறார்கள்.

உடனடியாக இந்த நண்பர்கள், மேற்கண்ட முகவரியில் தங்கள் இடுகைகளை பதிந்துவிடுமாறு அன்புடன் கேட்டுக் கொள்கிறோம்.
மற்ற பதிவர்களும் அடுத்தடுத்து ஆர்வத்துடன் பங்கேற்பார்கள் என நம்புகிறோம்.

போட்டியில் பங்குபெறப் போகும் அனைத்து பதிவுலக நண்பர்களுக்கும் வாழ்த்துகள்.

தோழமையுடன்
பைத்தியக்காரன்.

ஆலோசனை தேவை: சொந்தமாக வலைத்தளம் இல்லாத, ஆனால், தொடர்ந்து வலைத்தளத்தை வாசித்து வரும் இரு நண்பர்கள் தாங்களும் இந்த சிறுகதை போட்டியில் கலந்து கொள்ள விரும்புவதாக தெரிவித்திருக்கிறார்கள். அதில் ஒரு நண்பர், ஒரு சிறுகதையையும் அனுப்பியிருக்கிறார்.

இதுபோன்று ஆர்வமுள்ள நண்பர்களிடம் என்ன பதில் சொல்லலாம்?

உடனடியாக சொந்த வலைத்தளத்தை ஆரம்பித்துவிட்டு போட்டியில் கலந்து கொள்ளுங்கள் என்றா?

அல்லது பரவாயில்லை, போட்டியில் நீங்களும் கலந்து கொள்ளுங்கள். 'சிதைவு' வலைத்தளத்தை அதற்காக பயன்படுத்திக் கொள்ளுங்கள் என்றா?
நண்பர்களின் கருத்துகளை அறிய ஆவலாக இருக்கிறேன். உங்கள் ஆலோசனையை வைத்துதான் அந்த நண்பர்களுக்கு பதில் மெயில் அனுப்ப வேண்டும்.