சிறுகதைப் போட்டி முடிவுகள்

'உரையாடல் சமூக கலை இலக்கிய அமைப்பின்' சார்பாக அறிவிக்கப்பட்டிருந்த சிறுகதைப் போட்டிக்கு 250 சிறுகதைகள் வந்திருந்தன. ஆச்சர்யம், பிரமிப்பு, அதிசயம், உற்சாகம், நெகிழ்ச்சி என அனைவருக்கும் தெரிந்த வார்த்தைகளில் எந்தவொரு வார்த்தையை இங்கு பயன்படுத்தினாலும் அது எங்களது உணர்வை சரியாக வெளிப்படுத்துவதாக இருக்காது. அந்தளவுக்கு விவரிக்க இயலாத மனநிலையில் நாங்கள் இருந்தோம்; இருக்கிறோம். காரணம், ஒவ்வொருவரிடமும் தென்பட்ட ஆர்வம். தங்களாலும் சிறுகதைகளை எழுத முடியும் என்ற நம்பிக்கை.

இதில் பலர் முதல் முறையாக சிறுகதையை எழுதியிருப்பதாகக் குறிப்பிட்டிருந்தனர். இது வரவேற்க்கப்பட வேண்டிய விஷயம். சரியான வாசிப்பும், தொடர் எழுத்துப் பயிற்சியும் அவர்கள் மேற்கொண்டால், இனி வரும் காலங்களில் நல்ல சிறுகதை எழுத்தாளர்களாக மிளிர்வார்கள் என்பதற்கு அவர்கள் எழுதியுள்ள சிறுகதைகளே சாட்சி.

யதார்த்த, ஜனரஞ்சக, அறிவியல், சார்ந்தும், பரிசோதனை அடிப்படையிலும், புராண கதாபாத்திரங்களை அடிப்படையாகக் கொண்டும், பெரும்பாலானவர்கள் சிறுகதைகளை எழுதியிருந்தனர். இப்போதுள்ள பொருளாதார வறட்சி குடும்ப உறுப்பினர்களை எந்தளவுக்கு மாற்றுகிறது என்பதை நெகிழ்ச்சியாகவும், உள்ளத்தை உருக்கும் வண்ணமும் பலரும் பதிவு செய்திருந்தனர். ஈழப் பிரச்னையையும், தலித் பிரச்னையையும் சிலர் தொட்டிருந்தனர். புராண கதாபாத்திரங்களை வைத்தும் சிலர் கதைகளை எழுதியிருந்தனர். ஆனால், நகைச்சுவை கதைகள் குறைவாகவே வந்திருந்தன. பெரும்பான்மையான கதைகள் எதார்த்த வகை எழுத்துகளாக இருந்தன.

உண்மையில் போட்டியில் கலந்து கொண்ட அனைவருமே வெற்றி பெற்றவர்கள்தான். அனைவருமே கௌரவிக்கப்பட வேண்டியவர்கள்தான். அனைவருக்குமே தலா ரூபாய் 1,500 வழங்குவதுதான் முறை. என்றாலும் போதிய பொருளாதார வசதிகள் இல்லாததால் 20 பதிவர்களை மட்டுமே தேர்ந்தெடுக்கும் நிலை. இந்த தேர்ந்தெடுப்பில் நடுவர்களின் ரசனையும், சிறுகதை குறித்த அவர்களது பார்வையும் கலந்திருப்பதால், இதையே இறுதி முடிவாகவும் கொள்ள முடியாது. எனவே தேர்ந்தெடுக்கப்படாத பதிவர்கள் மனச்சோர்வடையாமல் தொடர்ந்து எழுதுவதன் மூலம் சிறுகதைப் பரப்பில் தங்கள் பங்களிப்பை அழுத்தமாகப் பதிவு செய்ய வேண்டும் என்பதே எங்கள் ஆசை. வேண்டுகோள்.

தொடக்கத்தில் இரு பிரபலமான, பதிவுலகை சாராத எழுத்தாளர்களை நடுவர்களாக நியமித்திருந்தோம். அவர்களும் ஆர்வத்துடன் ஒப்புக் கொண்டனர். ஆனால், வந்த சிறுகதைகளை ஒழுங்குப்படுத்தி வாசித்து ஆரம்பகட்ட தேர்ந்தெடுப்பை நிகழ்த்துவதற்குள் நாட்கள் நகர்ந்துவிட்டன. நடுவில் ஏற்பட்ட தனிப்பட்ட சிக்கல்கள் குறித்து முன்பே பதிவில் குறிப்பிட்டிருந்தோம்.

இந்நிலையில் நடுவர்களிடம் சிறுகதைகளை நாங்கள் தருவதாக சொல்லியிருந்த காலக்கேடு முடிந்துவிட்டது. அவர்களுக்கும் வேறு தொழில் சார்ந்த வேலைகள் வந்துவிட்டன. இந்த இக்கட்டான சூழ்நிலையில் வேறு வழியின்றி நாங்களே (பைத்தியக்காரன் - ஜ்யோவ்ராம் சுந்தர்) நடுவர்களாக இருந்துவிட்டோம்.

முந்தைய இடுகையின் பின்னூட்டத்தில் நண்பர் ராஜன் கூறியிருக்கும் கருத்து நூற்றுக்கு நூறு உண்மை. கிட்டத்தட்ட 37 சிறுகதைகள் பரிசுக்குரியதாக இருந்தன. இதிலிருந்து 20 சிறுகதைகளை மிகுந்த சிரமத்துக்கு இடையிலும், பலகட்ட வாக்குவாதத்துக்கு பிறகும்தான் தேர்ந்தெடுத்தோம்.

அந்தவகையில் நடுவர் குழு தேர்ந்தெடுத்த 20 சிறுகதைகள் :

(இவை தரவரிசையிலான பட்டியல் அல்ல)

1. பெண்கள் இல்லாத ஊரின் கதை - ரெஜோ வாசன் ( http://www.rejovasan.com/2009/06/30/no-land-for-women/ )
2. பிரசன்னம் - யோசிப்பவர் ( http://kathaiezuthukiren.blogspot.com/2009/06/blog-post.html )
3. அம்மாவுக்குப் புரியாது - RV ( http://koottanchoru.wordpress.com/2009/06/30/ )
4. அம்மாவின் மோதிரம் - எம் ரிஷான் ஷெரீப் ( http://rishanshareef.blogspot.com/2009/06/blog-post_19.html )
5. அப்பா வருவாரா - கவிதா ( http://kavithavinpaarvaiyil.blogspot.com/2009/06/blog-post_30.html )
6. நீர் வழிப்படுஊம் புணை - சேரல் ( http://seralathan.blogspot.com/2009/06/blog-post_29.html )
7. அவளாக இருந்திருக்கலாம் - நந்தவேரன் ( http://adtams.blog.com/2009/06/27/அவளாக-இருந்திருக்கலாம்/ )
8. மலைகள் காணாமல் போன தேவதைகள் - தமிழன் - கறுப்பி ( http://enninavinveliyilnan.blogspot.com/2009/06/blog-post_26.html )
9. வாழையடி வாழை - வெட்டிப் பயல் ( http://naanrasithavai.blogspot.com/2009/06/blog-post.html )
10. மனையியல் - இரா வசந்தகுமார் ( http://kaalapayani.blogspot.com/2009/06/blog-post.html )
11. அவள் பத்தினி ஆனாள் - ராமச்சந்திரன் உஷா ( http://nunippul.blogspot.com/2009/06/blog-post.html )
12. கிணற்றில் மிதக்கும் நிலவின் சடலம் - நிலா ரசிகன் ( http://nilaraseegansirukathaigal.blogspot.com/2009/06/blog-post.html )
13. காத்திருத்தல் - சரவணன்.P. ( http://tamilwritersaravanan.blogspot.com/2009/06/blog-post.html )
14. நீரும் நெருப்பும் - வெண்ணிலா ( http://vennilapakkangal.blogspot.com/2009/06/blog-post_3928.html )
15. நான் அல்லது நான் - நந்தா குமாரன் ( http://nundhaa.blogspot.com/2009/05/blog-post_25.html )
16. வழியனுப்பிய ரயில் - உமாசக்தி ( http://umashakthi.blogspot.com/2009/05/blog-post_27.html )
17. வள்ளியம்மையின் பழுப்பு கண்கள் - புபட்டியன் ( http://ppattian.blogspot.com/2009/06/blog-post_17.html )
18. மைய விலக்கு - சத்யராஜ்குமார் ( http://inru.wordpress.com/2009/06/08/twilight/ )
19. தற்செயலாகப் பறிக்கப்பட்ட ஒரு மலர் - அகநாழிகை வாசுதேவன் ( http://aganaazhigai.blogspot.com/2009/06/blog-post_03.html )
20. காதோரமாய் - ஸ்ரீதர் நாராயணன் ( http://www.sridharblogs.com/2009/06/blog-post_17.html )

போட்டியில் கலந்து கொண்ட அனைவருக்கும் எங்கள் நன்றி. வெற்றி பெற்றவர்களுக்கு எங்கள் வாழ்த்துகள். இந்த இருபது நண்பர்களும் மீண்டும் ஒருமுறை எந்த பெயரில் காசோலை இருக்க வேண்டும், அதை எந்த முகவரிக்கு அனுப்ப வேண்டும் என்பதை எங்களுக்கு மின்னஞ்சல் மூலமாக தெரியப்படுத்தும் படி கேட்டுக் கொள்கிறோம். எழுதிய சிறுகதைகளுக்கான உரிமை அவரவருக்குத்தான் சொந்தம் என்றாலும், இப்போது 'கிழக்குப் பதிப்பகம்' சார்பில் தொகுப்பாக வருவதற்கு இசைவு தெரிவித்து ஒரு வார்த்தையை அதே மின்னஞ்சலில் சேர்க்கும்படியும் கேட்டுக் கொள்கிறோம்.

பதிவுலக நண்பர்களுக்கு ஒரு வேண்டுகோள்.

முடிவுகளை அறிவித்துவிட்டோம். அனைத்து பதிவர்களும் திறந்த மனத்துடன் தங்கள் கருத்துக்களையும், விமர்சனங்களையும், உரையாடல்களையும் முன் வைத்தால் பயனுள்ளதாக இருக்கும். இதைப் பின்னூட்டமாகவும் சொல்லலாம் அல்லது தங்கள் தளத்தில் தனி இடுகையாகவும் எழுதலாம். அப்போதுதான் நாங்கள் எங்களையும் அறியாமல் செய்திருக்கும் தவறுகள் புரியும். இனிவரும் காலங்களில் அப்படியான தவறுகள் நிகழாமல் பார்த்துக் கொள்ளவும் உங்களின் இந்தப் பங்களிப்பே வழிவகுக்கும். செய்வீர்கள் என்று நம்புகிறோம்.

அடுத்த நிகழ்வு குறித்த அறிவிப்பு வரும் திங்கட்கிழமை (ஆகஸ்ட் 10ம் தேதி) வெளியாகும்.

தோழமையுடன்
பைத்தியக்காரன் (sivaraman71@gmail.com)
ஜ்யோவ்ராம் சுந்தர் ( jyovramsundar@gmail.com )